|
<> 超 ! 合金魂 - 之 - 真 ! METAL BUILD - WAR MACHINE MARK II <>
WAR MACHINE MARK II
相當相當完美嘅超合金, Bandai 嗰啲除咗 C-3PO 之外全數 K.O, 啲 Play 乜鬼嘢 Tive 亦可以掃埋街完全冇得比. 以理性客觀加售價出發算係冇乜缺點. 合金成份極高, 選取嘅部位相當聰明, 唔會夾硬嚟. 最初我唔信係 Die-cast 嚟, 因為太靚仔, 唔知係咪撞出嚟定 CNC ...... HT 雖然痴, 但應該唔會痴到呢個地步, 話晒都只係千八蚊貨仔, 係就發達.
可動性亦係極高, 身手腳都可以拉長啲啲增加活動能力, 連個 seafood 都可以拗出嚟問你死未, 幾乎可以當係豬豬俠甘玩, 有部份仲係金屬 Joint 加勁實 ...... 可惜, 老子我典扭典拉都爆唔到地 ...... 我冇一隻 Ironman 係爆到地 ...... 似乎我冇呢一方面嘅才能 ...... 等咗 N 甘多隻, 終於做到開關制唔外露, 立刻玩具變道具, 感動! 上色方面亦做出重厚嘅質感, 唔摸落去都唔知邊啲係 ABS 邊啲係 Die-cast.
至於啲燈 ...... 頂! 都係嗰句 ~ 唔着好過着, 眼同手好快冇力, 我 pack Maxell 電一樣頂唔住 ...... 七十幾蚊大佬 ...... 嗚! 改成靠反光同折射扮燈唔知得唔得呢? 手臂後面電池位走埋粒縲絲更佳, 脚板 Joint 可以上鎖的話, 無敵! 個挾腰 stand 其實冇乜用, 一係就好似 C-3PO 用透明膠輕輕拓住, 一係就 Metal Build 嗰種. 個 Base 都係冇乜用, 因為限制住一碌木企喺度, 浪費咗個可動性 ......
WM MKII 亳無疑問係整體性最强嘅超合金, 手工可動外型價錢都幾無敵, HT 四隻 Die-cast 點都起碼要買一隻見識吓. 嚟緊嘅愛割者難度比 MK II 高, 得唔得就睇上色, 期待!
|
上一篇:DICK.PO开箱:【狂熱重工鍋物仙乜吐】HT 1/6 压铸系列《钢铁侠3》- 战争机器MK2下一篇:[視頻]:Hottoys 1/6 压铸合金版 战争机器MK2 可动关节示范~
|