|
|
楼主 |
发表于 2013-1-9 18:46
|
显示全部楼层
聖衣神話
身為聖鬥士嘅我, 日日對住套 Bruce Wayne 西裝, 呢 set Joker 套裝都叫做勉強頂得住, 但對一啲唔係住喺聖域嘅尋常百姓, 好有機會即場暈倒 ...... Full set 着住都仲好啲, 除咗件長褸就大件事!
成套衫入面, 整体車得最好又最有 Kato feel 嘅, 肯定係件灰西裝褸, 呢件嘢直頭 "幾可亂 K", 有住極濃厚嘅 Kato 味! 同 Bruce Wayne 西裝褸 side by side 比, 以我一個完全唔識車衫嘅門外漢, 真係一啲都唔失禮. 我仲係影晒所有長褸相先除, 件西裝褸竟然新嘅–樣 ...... 乜嘢布料甘勁 ?_?
第二位就係件裇衫, K 味甚濃. 啲車線靚到暈, 布料紙甘薄, 如果唔係條衣領唔夠硬同 sharp, 就可以去到 Gary Suit 嘅級數. 至於條呔, 又薄又 sharp, 不過就唔夠 Kato 打得甘靚仔喇 ~
件 Vest 就真係有古講 ...... Joker 呢啲發冷型 figure, 買咗番嚟除晒啲衫從新着過算得上係基本動作, 由於啲衫好貼身, 特別係 Suit 同 Shirt, 真係要全部套好晒至着上 Truetype 先得, 亦即係一係唔除, 一除就除晒 ...... 不過呢件 Vest, 我嚴重警告唔好除 !!! 老子近視散光加老花仲冇眼鏡, 三十分鐘都啪唔番件 Vest 啲啪鈕, 最後 ...... 三粒啪斷咗兩粒, 又要請出 AA 膠, 整你個制 ...... 真係 ...... 整你個制 !!!
件紫色長褸有幾 K 就唔知鳥, 真嘢我只喺 Sean Shop 望過幾秒, 冇印像 ...... 如果可以再薄啲就好囉. 布料毛毛有方向性, 摸完後要掃番順佢. 另外佢嘅超力電磁設計相當有驚喜. 條褲以 Kato 標準唔算完美, 最小啫啫位嘅線就收唔唔夠 perfect ...... 不過已經好靚喇大佬 ...... 神同人係有分別架 ~
一位極冇勢力人仕透露, Joker 服生產成本極高, 呢樣真係睇得出. 對於呢套小丑衫, 我已經諗唔到任何形容佢嘅方法, 一隻大量生產嘅玩具, 竟然能夠去到呢種水準 ...... 係神話 ...... 我係發緊夢 ?_?
|
|
[复制链接]
发表于 2013-1-9 18:42
