12"兵人 "平有平玩" 攝影教學
不少帥兄有心分享兵人, 但家中空間及器材所限, 不敢嘗試, 實屬可惜.
其實貴有貴玩, 平有平影, 善用家裡的物資, 一樣拍到美圖分享.
今次重點是如何用最少器材影到最佳效果. 以下主要是以FIGURE主體影的清為大前題, 背景則暫時無視了.
INDEX
1. 總訣
2. 露台擺陣
3. 窗邊側影
4. 餐枱快影
5. 深夜閒影
6. 電視做背景
7. 電視畫面做背景
8. 簡易"開棚作法"
9. 大陣象棚拍
10. 終極外拍
1. 總訣
要分享得靚, 先有幾個總訣, 首先, 不要用廣角, 建議最起碼要用50mm以上焦距. 錯誤例子:
一用廣角, figure立即變形, 好難清晰分享. 但當然, 有心玩角度, 玩style例外.
其次, 請勿用機頂閃光燈, 不用多說, 影女友都不會用機頂閃光燈啦.
再其次, 影相角度最好與figure齊平. 一般日常生活照好少高抄低抄, 想figure似真人, 就要好像影真人一般咁, 儘可能將相機放低點,大約figure腰平位就ok.
如果相機有微距功能的話, 盡可能開啟微距, 可以有更好對焦表現.
光圈勿開盡, 最少要F5-F8, 太大光圈好易失焦, 而且對焦點外的部份根本不清楚. 但當然, 偶然玩一兩張, 製造特別效果是合理的.
勿用暖色光源, 一般家庭用的黃光燈絕不合適用作影figure之用, 除非您特別要溫馨效果:
暖光拍攝靠後期PS是沒可能補救的, 反而用冷光/白光影的相片就可以加少少味精補救.
講完總訣, 分享一下小弟用的簡易方法:
2. 露台擺陣
小弟早年都是日間於露台影相, 自然光一流. 想影得差都幾有難度.:
好簡單, 一張椅子, 一塊背景布(小弟用$10單車套), 兩三個衣夾set場, ok!
3. 窗邊側影
小弟搬屋後試過這個方法, 窗邊放張椅子, 兩塊紙板:
不過窗邊光源對比太強, 可能要於另一邊用白色物件做反光板或者用細燈補一補光.
4. 餐枱快影
要快, 當然於屋企最常用的餐枱上影, 以下仍然用自然光, 不過開大光圈, 還可以.
5. 深夜閒影
可能已經有帥兄想掟番茄: 個個有閒日光日白用自然光影相?
其實一支枱燈已經幫到您, 仍然是一張餐枱, 用一支白光枱燈45度角照明主體.
當然, 深夜影相, 使用腳架還是必需的.
6. 電視做背景
好多帥兄都想試下黑底圖, 其實家家都必定有一塊黑底背景: lcd電視.
只要於電視前set一個平台, 放一張黑膠板即可.
膠片不一定要貼近電視, 如環境所限, 分開半尺左右亦ok.
以下呢set相是用小型LED燈做光源的.
小型LED燈:
7. 電視畫面做背景
可以電視做黑底, 自然可以用電視畫面做背景, 但有點兒難度.
主要是色溫, 所以要事先set好自訂色溫, 找出最適合您現有光源的白平衡, FIX, 不再用auto mode.
這個方式要用比較強的光源, 因為電視畫面發出強光, 主體光源不足的話, 背景便一片死白.
而要影到背景的話, 最少要用f8-f11光圈, 亦一定要用腳架.
sample:
8. 簡易"開棚作法"
用一張布掛起, 由背景直落枱面, 再加光源, 就是最簡易的棚拍.
開棚用燈會比較好, 白光枱燈兩支已OK. 左右各45度打燈, 兩邊燈光不要太平衡, 角度有少少高低遠近的落差, 最能突出figure輪廓.
sample:
9. 大陣象棚拍
一張圖更勝千言萬語:
小弟平時用兩支環形燈, 一件小型led補光燈, 60cm圓棚, 紅外線remote, 玻璃倒影板, 簡易腳架. 黑白背景布, that's it.
詳情請參考小龍大大精華教學帖, 豬肉在前, 小弟不重複了:
http://toysdaily.com/discuz/thread-161039-1-1.html
10. 終極外拍
其實於屋企影相不多不少都要用少少設備.
所以終極的省錢人偶拍攝大法是: 外拍!
材料: figure stand(影半身時用), 相機, blu-tack泥膠(幫忙固定配件及figure), 小攝子(替figure整理外型).
外拍最大困難是風, 所以figure一定要擺得穩定, 影半身時要借助stand.
小弟自己盡可能不會放地面影, 因為用DSLR, 所以要影低角度時有好大難度, 一般會搵大石等等物體做平台.
一般光圈用f5.6-f8計, iso 200, 快門可以用1/100-1/400s , 相對不需要腳架, 影相角度可以更自由.
不過要避免陽光直射拍攝, 試過您就知, 晒著陽光影的相其實好怪. 最好陰天拍, 或者陰影下, 會自然好多.
反光板不需使用, 一般日常於自然光下無的東西, 不需夾硬加上, 否則不太自然:
白平衡最好SET好, 用陰天/陽光/陰影, 試過OK就固定使用.
另外, 外拍前最好減省不必要的配件, 尤其是小型易甩的配件, 可免則免. 草叢上大海撈針的痛苦, 不足為外人道也...
外拍時找景點非常最重要, 但其實12" figure比真人細六分一, 所以要的景點並不需要好大, 而且前面提過, 影12"不需用廣角, 所以只要搵到一小個角落方便拍攝便可:
小水池:
公園長椅:
矮樹迷宮:
涼亭:
以上全都是身邊樓下街頭街尾都有的事物, 只要您夠膽, 就影到靚相!
期待見到帥兄們的分享!!
各位帥兄, 請請~
|
[复制链接]
发表于 2012-12-14 21:11
发表于 2012-12-14 21:17
发表于 2012-12-14 21:30
good,mark down 收藏先
